Xanuunka macaanka prediabetes

 

Prediabetes: waa nooc ka mida macaanka ka mid kaas oo heerka sonkorta jidhku ka sareeyo sida caadiga ah mana aha mid aad u sareeya oo loo tixgeliyo macaanka nooca 2aad mana sababo wax isbedel nololeed ah hada dadka waawayn iyo caruurta qaba xanuunka macaanka prediabetes ka waxay khatar ugu jiraan xanuunka macaanka nooca  loo yaqaan type 2

Habada hadii aad qabtid xanuunka macaan prediabetes waxad qatar ugu jirtaa dhaawacyada waqtiga dheer ee wadnaha, xidada dhiiga , iyo kelyaha.

Qofka qaba xanuunka macaanka pre-diabetes hadii cuno cunto caafimaadle , jimicsina sameeyo miisaankanaa iska yareeyo waxa ay sonkorta jidhku ku soo noqonaysaa sidii caadiga ahayd

Astaamaha xanuunka pre-diabetes

Xanaanka macaanka pre-diabetes ku badanaa ma muujiyo wax calaamado ah waxa uu qofka jidhka meelo ka mida kaga sameeyaa haaro madow badanaana gacmaha, suxulada hadii hadii aan la degin waxa qofku yeeshaa calaamadahan.

• Haraad badan iyo kaadi badan
• Daal iyo araga oo humaag ka galo
• Gaajo badan
• Kabuubyo lugaha iyo gacmaha
• Nabarada oo buskan waaya iyo caabuq
• Miiska oo hoos u dhaca 

Maxaa sababa xanuunka macaanka pre-diabetes

Xanuunka macaanka pre-diabetes lama oga waxa saxda ah ee sababa lkn qanjidhka pancreas ee soo saara dheecaanka insulin ma soo saarayo xadi jidhka ku filan oo insulin ah taas oo sababaysa in sonkorta jidhku sare u kacdo badanaana waxa loo aaneeyaa in qoskaaga qaarka mid ah lahaayeen xanuunka pre-diabetes iyo hida siyaasha jidhka.

Khataraha kugu sababi kara xanuunka pre-diabetes 

Waxyaabaha kugu sababi kara xanuunka macaanka pre-diabetes waxa ka mida .

• Da’da qofka
• Cuntada qofku cuno iyo qaabka uu u noolyahay
• Jimicsi la’aanta jidhka
• Qoyskaaga qaar ka mida oo lahaa
• Miisaanka qofka badan
• Xanuunka macaan loo yaqaan gestational diabetes 
• Hurdada la,aanta iyo isticmaalka tubaacada

Khatara uu kugu sababi karo xanuunka pre-diabetes 

Xanuunka macaanka Pre-diabetes hadii aan la degin wuxu kugu sababi karaa dhibaatooyinkan caafimaad ee soo socda.

• Cadaadiska dhiiga oo sare u kaca
• Cholestrolka oo sare u kaca
• Kelyo xanuun
• Istoroog iyo nerfayaasha oo dhaawacma
• Dhibaatooyinka indhaha 
• Xunaha jidhka oo qaar la jaro qofa sida lugaha faraha iwm.
• Beer subag

Sida looga hortago xanuunka pre-diabetes ka

Xanuunka macaanka pre-diabetes ka waxa lagaga hortegi karaa hab nololeed caafimaad qaba .

• Cunista cunto caafimaadle
• Jimicsiga jidhka
• Miiska oo layska rido
• Tubaakada iyo alcoholka oo aan la isticmaalin
• Cadaadiska dhiiga oo la degiyo
• Cholestrol-ka jidhka laga hortago

FG:/ xanuunka macaanka pre-diabetes waxa lagu maarayn karaa hab-nololeedka qofka , cunto fiican oo caafimaad qabta oo qofku cuno, miiskaanka iyo jimicsiga markaa qofku hadii uu qabo xanuunkan waa muhiim inuu ku dadaalo tallaabooyinka kor ku xusan.”